Hátíðir

JÓLIN ERU HOPP OG JÓLIN ERU HÍ!! Já af hverju er þetta ekki oftar á ári?  Maður spyr sig.  EKki held ég nú samt að það sé sniðugt.  Eins og ég ætla að koma orðum að....ég er búin að öllu!! nú er bara að bíða og  vinna.  Hmmm jú og föndra konfekt...án aðstoðar ma.  fjúff veit ekki hvernig árangurinn verður hjá mér.  Vona að eitthvað heppnist.  Ég tók þann pólinn í hæðina að vera oggu poggu kærulaus þetta árið.....ég sleppi því að þvo inn í fataskápana, eldhússkápana , loftin, veggina, nú bara þurrkaði ég af og skúraði gólfin...ég meina hver er að kíkja inn í skápana hjá manni?  ENGINN! nákvæmlega.  Hátíðin gengur alveg í garð hvort sem það er ryk eða ekki.  Og já á meðan ég man....ég baka ekkert...nú er hægt að kaupa þetta tilbúið og hver tekur eftir því hvort þetta er heimagert eða ekki.  Veit ekki alveg hvað er að gerast í kollinum...en kannski hef ég heyrt það aðeins of mikið undanfarið hvað ég sé lík Ásu frænku eða Snjólaugu ömmu....hjúkk get sko alveg sannað það að þetta er óþarfi....Snjólaug getur haldið jólin....ætla bara að njóta þesss að eiga notalegar stundir með manninum í skammdeginu að hlusta á jólalög með Vilhjálmssystkinum Ellý og Vilhjálmi og gæða mér á piparkökum úr Krónunni...Kveð að sinni í jólagírnum án alls stress.  Farið vel með ykkur vinirnir mínir.

Athugasemdir

[ings (IP-tala skráð) 7.12.2007 kl. 23:00]

mikið djö eru menn duglegir ha....ég er sko ekki byrjuð hahaha, spurning hvort ég nenni að setja upp seríurnar meiri að segja